میں لَج پالاں دے لَڑ لگیا ں میرے توں غم پرے رہندے
میری آساں امیداں دے سدا بوٹے ہرے رہندے
خیالِ یار وچ میں مست رہنا ہاں دنِ راتی
میرے دل وچ سجن وسدا میرے دیدے ٹھرے رہندے
کدی وی لوڑ نئیں پیندی مینوں در در تے جاون دی
میں لج پالاں دا منگتا ہاں میرے پَلّے بھرے رہندے
دعا منگیا کرو سنگیو کتھے مرشد نہ رس جاوَن
جنہاں دے پیر رُس جاندے او جیوندے وی مرے رہندے
نیازی مینوں غم کاہدا میری نسبت ہے لاثانی
کسے دے رہن جو بن کے قسم رب دی کھرے رہندے
Post a Comment